meḧbûb cafan
Li pirtûka:
Dîwanî Welî Dêwane
Berhema:
Welî Dêwane (1826-1881)
1 Xulek
907 Dîtin
meḧbûb cafan, meḧbûb cafan
meḧbûb bê’eyb tayfey cafan
serqetar řem ’enberbo nafan
serkêş řewêł mişkîn kiłafan
ahûy mudbirmas mekan neherde
çûzey sunbułçir nesa sił kerde
xawêr xałdar xetaw xoten mał
tetar tayf şox şîrîn xał
weten ne zamin serberz lêłax
seyr سەرکۆان seyyadan û dax
çerx çem syaçem çust û çalak piř
şeyday şikardoz çing û hûnaw biř
laçîn şeşdang seḧer ce lan xêz
şimqar têjbał teyr tundigurêz
şem’ şa pesend gişt syamałan
nam to ne bezim xesrewan xwanan
bew şewq cemîn şem řuxsarewe
kêt neda we dem kizey narewe?
bew qaş qetran dił pê êşawe
sitûn yaney kêt nekêşawe?
bew dîdey say surmesay sêweng
mujanit we hûn kê nekerden řeng?
bew nîmnîgay naz bew lencew lare
axir cerg kêt nekerden pare
bew bałay newtûł we newrestewe
bew kokoy kiłaf deste destewe
waçe dił kêt nestanan we zûr
axir yaney kêt nekerden xapûr