bom bêne bade
Li pirtûka:
Çepkê Guɫ û Xunçe
Berhema:
Elî Arif Axa (1910-1996)
1 Xulek
479 Dîtin
bom bêne bade bê meze û bê aw
le bo sařêjî diłekey şikaw
sa yek le dû yek bom piřke perdax
ta der’ekewê le aso hetaw
çil qapî sermor wa leber desta
destit elerzê ta ebê tewaw
bełkû ew xemey ke wa le diłma
tefrutuna bê be mey şew lenaw
ger be mey nebê key sařêj ebê
cêgabrînî ẍemî dwabřaw
ey saqîy diłsoz ey pîrî beřêz
wa bot enêrim dû hezar siław
pêşkeşt ekem herçî efermûy
le pare û mał û le zêř û diraw
heste merdane hîç řameweste
gwê mede sofîy xerqe hełweşaw
ba ew her biłê bade ḧerame
to her bom têke bê ḧed û ḧîsaw
heta ekewme xoşî û heway xom
ebme fiřokey xeyałatî xaw
eçme beheştî bezim û diłşadî
çyay temnakim win ebê le çaw