çwardey temûz
Li pirtûka:
Dîwanî Goran
Berhema:
Goran (1904-1962)
1 Xulek
968 Dîtin
to asoy awatî gelî!
to xoştirîn katî gelî!
nuberey xebatî gelî!
sereta û hoy hatî gelî!
çwardey temûz! çwardey temûz!
to hełhatî, şew dwayî hat
řojî gelî ’îraq hełhat
řûnakî kewte řûy wiłat
bijî şořş! bijî xebat!
çwardey temûz! çwardey temûz!
dezgay derebegî şika
împiryalîst abřûy tika
bêt û şeřfiroşî bika,
ser emałê be kuçka!
çwardey temûz! çwardey temûz!
wiłat yekser pêkenîne,
bem şořş û řapeřîne
kotir sipî û asman şîne
aştî hoy şîrînîy jîne
çwardey temûz! çwardey temûz!