marşî aştîxwaz

aştîxwazîn, piştîwanman gelane,
kotrî sipîy ałaman nawnîşane:
řêgaman řêy birayetîy însane,
nakokî û şeř nehêştin amancimane!baweřman waye:
nakokî şeřî le dwaye,
şeř hoy wêranîy dinyaye
her dostîy gelan,
eparêzê aştîy cîhan,
feř exate jînî însan!xwên řiştinî yektirî lawan bese!
be kelawe kirdinî şaran bese!
bêşkey minał agirtê berdan bese!
etom kiřîn be dirawî nan bese!
ey şeřfiroşan!
qase piř û kelleboşan!
bes bê, bes: bo şeř têkoşan!
şeř hełbigîrsê,
ewey le merg zor etirsê
- xawen milyar - naxelesê!pasî aştî amancî xebatmane
aştî řêgay řizgarîy wiłatmane
katî aştî, katî xoşî û hatmane
hoy têrbûn û poştebûnî latmane!
řêy kameranî,
řêy pêşkewtinî awedanî,
aştîy giştîye û cîhanî.
sa ey aştîxwaz!
be diłsozî û berzîy nyaz,
gwêy zewî keř ke be awaz!aştîxwazîn, piştîwanman gelane,
kotrî sipîy ałaman nawnîşane:
řêgaman řêy birayetîy însane,
nakokî û şeřnehêştin amancimane!baweřman waye:
nakokî şeřî le dwaye,
şeř hoy wêranîy dinyaye
her dostîy gelan,
eparêzê aştîy cîhan,
feř exate jînî însan!