mastaw...
Li pirtûka:
Dîwanî Goran
Berhema:
Goran (1904-1962)
2 Xulek
1052 Dîtin
- perde hełkişa -
a: telefonî em ser: aẍa le hawîne hewarî kwêstan
bi: telefonî ewser: karbedestêk le bałyozxaneyek
a:
helaw... helaw... gewrem! sêrim!
hoy gîrfan û sikî têrim
helaw... helaw...
řûnakîy çaw!
bi:
elo... elo... «şêk»m! «aga»m!
lenaw gelta piştim, penam!
elo... elo...
«kot» biravo!
a:
cêgam berze û seyrangaye,
nizîk bewpeřî dinyaye...
boç biçûkit gewre nakey?
çaweřwanîy min hetakey?
helaw... helaw...
řûnakîy çaw!
bi:
zor «muştak»m, zor peroşim:
bêm mastawî sard binoşim,
bełam «ak»! le «dak»y řûte
noşî gyan lam «zeknebût»e!
herçend min dêm řa’epeřn
le minîş û le toyş piřn!
elo... elo...
«kom» biray to!
a:
helaw... helaw... řûnakîy çaw!
legeł xot zor bêne diraw,
be mangane pyaw řa’egirim,
wirteyan kird seryan ebiřim!
dwayî: neyey, ewdîw sinûr
lêman ekirê be agirî sûr!
helaw... helaw...
xawen diraw!
bi:
her to û diraw? be banî çaw!
berx ser biře û sard ke mastaw!
elo... elo...
«kot» biravo!
a:
herto û kebab? her to û mastaw?
hey beser çaw! hey beser çaw!
aẍa histêryay kameranî eygirê, legeł ewey xet daxrawe, gwêdanî telefonekey her be desteweye, be dewrî xoya esûřêtewe û sema eka
mîwan? diraw?
kebab? mastaw?
helaw...! helaw...!
helaw...! helaw...!
- perde dakşa -