pênc xiştekî qani’ leser şê’rî kurdêk
Li pirtûka:
Guɫaɫey Merîwan
Berhema:
Qani (1898-1965)
2 Xulek
1332 Dîtin
heway ser şax û kwêstanim pizîşkî derd û ’îlletme
xwa awa bê em xake ke mayey jîn û sîḧetme
de řebbî kwêrî key her kes leser fewtanî cennetme
nîşaney tîrî zîllet bê ewey bedxiwahî mîlletme
de ẍerqî gêjî negbet bê ewî dujmin se’adetme
bedestî xom nîye wełła le dîwanî xwa kurdim
lenaw şêx û beg û mîr û mela û şah û geda kurdim
temaşay cewherî min key ezanî aşkira kurdim
be kurdî bûm û xulqawim heta řojî ceza kurdim
leser em bîrme jînim jyanêkî ḧeqîqetme
fîdat bim kurde bo xakit çi bê ’eybe û çenê diłgîr
eger xakit nesûtênin benarî ḧîle û tezwîr
beheştêke ke îḧtyacî nîye hergîz be cogey şîr
weten zor xoşe qedrî bê nehayet nayete teqdîr
lelay ’alem ke dozex bê biłinditir sed le cennetme
temaşay pîremegrûnCih ke demaxî çende serberze
le baxanî tebî’etda gułałey sed hezar terze
temaşay ayetî xwa ken le ewsafî weten řemze
be burhanî kelamî ḧeq be dił ḧubbî weten ferze
kesê munkîr bê bem qewłe nezanînî leser xetme
weten dêwanekey xotim beła gerdanî ber pêtim
eger bêtû qibułim key bedił serbazî ser řêtim
ciger sûtawî lawanî bebê mał û bebê cêtim
le baxî ’îşqî mîlletda fîdakarî nekem şêtim
fîdakarî leser řêy hêrşî seylî muḧebbetme
çi xoşe zeḧmetî zor zor lepaşan řeḧmetî tya bê
çi şîrîne deway tałî beşertê sîḧḧetî tya bê
nebûnî xom û ewladim qibûłe ’îzetî tya bê
be řoḧkêşanî xom řazîm řufahî mîlletî tya bê
bebê jînî weten jînim jyanêkî mezelletme
xwa bo xatrî cem’î weten xwahanî dił pakan
bexwênî naḧeqî kujrawî eşkewtan û bin berdan
be ḧeqî ḧezretî pêẍember û sî cizmeyî qur’an
bijî kurd û bimênê ta qyamet xakî kurdistan
be ’ewnî ew xwaye xalqî fikir û tebî’etme