bo hawřêy merîwanî
Li pirtûka:
Guɫaɫey Merîwan
Berhema:
Qani (1898-1965)
3 Xulek
905 Dîtin
ey muşfîqî dêrîne le her kar xeberdar
ey ’aşiqî dîwan û ẍezeł bazî û eş’ar
ey merhemî zamanî diłî xeste û xembar
damaw û serasîme le des gerdişî dewwar
yadî wetenit lazme ta mawe behar
meşhûre ke bem fesłe ełên fesłî gułane
we’dey tereb û şadî û tefrîḧî diłane
bułbuł be newa mediḧ û sena wêjî çiłane
wextî fereḧ û bezmî hemû pîr û cwane
guł mest û fełek mest û zewî mestî cinûn kar
şewnim wekû duř dane leser dane tikawe
ya xermenî ełmase leser lale řijawe
jałe wekû bûke ke be guł swame dirawe
xwênî diłî ’aşiq leser em xake pijawe
seḧra û kej û kêw û çemen qirimz û gułnar
dawênî çya bergî zumřed leberaye
çił tacî gułî sûrî şikofey leseraye
dûkanî çemen ḧesḧesî «qaz»y lederaye
daranî cîhan pakî seraser leberaye
badam û beřû pełk û dewen bê ber û ber dar
tuřk wekû ’aşiq le hemû darê enałê
bo wesłî gułałe bułbułî bê çare enałê
xaşakî derî baxî be çawanî emałê
wek qatłî gîrawe lebo sûçê enałê
bex bex le hewa wey le zewî her wekû gułzar
lafawe be lêşawe le hewraz û le texta
şewboye ke xoş boye lebin derbenî sexta
lawlawe ke pêçrawe beqed şaxî direxta
qeqbey kewî dił germe lebê wext û le wexta
hey hey çi zemanêke lebo nefsî xetakar
sef sef be sefa gewre kiçî taze řesîde
lence efroşin wekû ahûy řemîde
wek ḧurî řîzwan û le cennat guzîde
bo kuştinî ’uşşaq gehê qeddî xemîde
tîrî nîgehî çawe be dił eyxene serkar
’alem be yeka dên û deçin her wekû meḧşer
yek yek bemesel mang û yekê her wekû exter
hendê gułe emma çi gułe wek gułî şespeř
luqmanî zeman şêt û nema hoşî leser ser
egrîceyî çîn çîne beḧełqe wekû řeşmar
bezim û tereb û danse leher deşt û serawê
řeqis û fereḧ û keyfe leher genc û pyawê
mey xwardin û bexşane leher kał û kuławê
wêney qedî yarane le her dîde û çawê
destî kuřî xoş bezme leser gerdinî diłdar
qani’Nasnava edebî bese lem babe îtir faşî fesaḧet
qedqametî mizgewtî heta řojî qyamet
dek řanî şikê wa’zî dił wişkî nedamet
fewtanî ledes kurdî syaçare seyaḧet
gîrodeyî nawdawî hejarî bê û xetabar