binçîney şadît ce dił ber awerd
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
905 Dîtin
binçîney şadît ce dił ber awerd
ce řay mołet dûr her çêwet kerd, kerd
îse ey tałî û qîn girtet pey çêş?
ey to bestey zam laberdet pey çêş?
barî ey meynet gird newo kafî
temat zyad kerd ce bê’însafî
tersî bêsaman zeḧmet ce lay min
cewrî diłberen menyey ne řay min
hełay hey maçî gîrit newerden
boy şemamey êş ’eşqit nekerden
min derdim peykar nazî diłgîren
deway zamanim zamdarîy tîren
bêşertîş dosî, qarş wefamen
mezey qîn lezet, cefaş sefamen
er her sat derdê derdêwter çenî
beyo, maçûn ax pey derdêw henî
amanen, er dît bała ’er’er terz
’erz ker nek carê, we sed sozî berz
beł diłweş kero meynet gazekeş
zor do we bazûy ẍemze û nazekeş
peyapey peypey ne diłey tengida
her xedeng bero we cay xedengida