bułbułî gułşen bê nam û nengî
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
1460 Dîtin
bułbułî gułşen bê nam û nengî
tezerwî ser seru baẍçey bêřengî
nuxtey întîhay da’îre temam
ney desî neyçî tûtîy dyay cam
yaney dił we feyz řay mewla nawa
tewarî teřlan lan mewlan awaNava taybet
payet bułend bo, sayet firawan
pey pey kerdey řem dîde syawan
ahûy tûnî dił we boy naf awa
tar bî ne cełew germesêr mawa
řem kerd, midrawe, dyawe mes mes
pey herdî bargey to gumeteş bes
perêş ker say wełg hîmmet we yatax
nekeroş serdîy êłax bêdemax
çûzey sewzey herd feyzî to wero
gerdiş nepay kaw lutfî to kero
newaçî min pîr îftadey dił řêş
îse çenî meyl azîzanim çêş
ta yaran nîgay nîhanîşan bo...
pîran mişyo taf cwanîşan bo
pey çêş meylî leyl pîrîş meḧałen?
seney bałẍîş sed hezar sałen