çerxî dûn perwer hemîşe yarmetîy nadan aka
Li pirtûka:
Dîwanî Şaho
Berhema:
Şaho (1882-1971)
2 Xulek
2420 Dîtin
çerxî dûn perwer hemîşe yarmetîy nadan aka
merdî dana dûne naw cergî le daxa jan eka
’esrî nûrî pê ełên bem dewre menḧûse ke çî
her le dewrî pîsî çengîz û hulako xan eka
dił be carê bûn be berd û řeḧim û şefqet têpeřî
şête ew şexsey umêdî ře’fet û wîcdan eka
nawî dîn kujrayewe, ladînîyan hênaye cê
herçî eybînî xerîke peyřewî şeytan eka
dînî îslam bê musemma ḧukmî şer’î na řewac
ehlî dîn emřo temennay mirdin û îman eka
ḧeq nema, modey beser çû mirwet û însaf û ’edił
ew kese meqbûłe zułim û îftira û buxtan eka
pyaw serî suř mawe, ’aqił şwên û řêy lê têk çuwe
wez’î dunya waye, dana şêt û sergerdan eka
xulq û xûy ’alem hemû şikłêkî key wergirtuwe
ew kesey çakey legeł key, dujminîy însan eka
ew zewataney ke xoyan zor be çak pîşan eda
ẍałben xûyan le xûyî ’eqreb û se’ban eka
ew kesey hêndê eyanut muşfîqe bo qewmî xoy
êste eybînim ke małî qewmekey wêran eka
ker legeł espî keḧêle dête meydanî mesaf
biznekêwî wa legeł şêr arezûy zoran eka
kundebû ewsa ke cêgey qujbin û wêrane bû
seyrî ke! êsta legeł qûş cîlwe û cewlan eka
qel le cêy baza ebînim bûte serdar û ře’îs
gurgî har emřo lecêy şwan serperiştîy řan eka
mame řêwî bû be defterdarî goşt û dûgî çewr
mişkî birsî wa sepanî řizqî ser xerman eka
goxłî çełtûk diraye des yekaney kone sał
hûłe awdêrî gułałe û sunbul û řêḧan eka
dewre waye bayequş lafî humayî lê eda
gurbe xoy gořîwe daway cêgeyî şêran eka
pyawetî nayabe şahoNasnava edebî! řojî supłe û herzeye
her kesê pyaw bê beřastî xoy le xelq penhan eka