newroz
Li pirtûka:
Wenewşe
Berhema:
MiḧemedSedîq Meḧmûdî (1937-1990)
1 Xulek
1128 Dîtin
le xoşîy toye newroz wa siruşt dunya denexşênê
leser çîmen şemałî şox be naz dawênî dexşênê
xiřaw řêbwarî nêw deşt û çyaye û nêrgizî mestîş
diłopî nîwnîgay germî le kasey çawî deřjênê
biloqî ał û keskî şewnimî ser bergî cwanî guł
serinc etwêtewe têyda û naxî hest ecûłênê
hełałe û swêsne her kame corê gyan delawênin
gułałeş kwanê wek ew şox û şengê, tase barênê?!
gezîze larulencey dadenê pêy naz lenêw diłda
le katêkda ke şaney ba, qijî zêřînî dadênê
çirîke û şoqî sergonay geşî sara diłî şoxî...
perîy koşkî beheştî xoşî xwayî dadexurpênê
erê newrozî pîroz! to meger ayey xudawendî?
ke her hatî, lenêw diłda winîy ẍem şwênî namênê
neşey germuguř û sozî xuřey hełdêrî çomawit
dełêy ḧeyran û swaroye ke lawênê delawênê
weten, gyanim fîday to bê û fîday kwêstanî serberizit
ke şimşîrî tiropkî şaxekanî hewrî dadênê