deka yadit be penhan bo diłim herdem cefa zahîr
Li pirtûka:
Dîwanî Salim
Berhema:
Salim (1800-1866)
1 Xulek
781 Dîtin
deka yadit bepenhan bo diłim herdem, cefa zahîr
le her gamê be seylî mîḧnetit bo min qeza zahîr
leber yadî fîraqit hełgiřa emşew çiray ’umirim
nîye pabendegî ta subḧidem wesfî fena zahîr
mepoşe penceyî nazk nîgarit ba numayan bê
le eşkî ałî giryey çawî min, řengî ḧena zahîr
nîye bo şahîdî mey kes, qerarî perdeyî ’îsmet
le çawî mestî nazit çone wa şêwey ḧeya zahîr?
serukarêkî peyda kird demaẍim lexlexey nawî
le nefḧey çînî nafey zułfî to, muşkî xeta zahîr
le fîkirî sen’etî řût karxaney ḧeq huweydaye
le sîřřî nuqteyî xałî lebit ferdî xuda zahîr
nemawe qudretî çawim be xwahîş seyrî çawit ka
le îmay turkî dîdet bo diłim tîrî qeza zahîr
xeyałî dił çilon qesdî lebî le’ilit deka îtir
kenarî gencî řuxsarit le her sewda deka zahîr
temaşa ken beharistanî řûy diłber xezan dênê
le çîhrey salimNasnava edebîy bêçare řengî kehřuba zahîr