ke mirdim

Li pirtûka:
Şî’rekanî Kameran Mukrî le Řojnamekanda
Berhema:
Kameran Mukrî (1929-1986)
 1 Xulek  891 Dîtin
min emirim
nayełim kes bimnêjêt
dwa serincim aw edem
be birîskey řim
be tirûskey awat
be hêrşî serkewtin
***
dwa hest û tasem heł’ekêşim le gyanî:
dengî sirûdî azadî
nirkey tołe
çirîkey dîlî azad bû
ziřey zincîrî şikaw
girmey zîndanî řimaw
hajey cogey xwênaw
***
emirim
nayełim kes bimnêjêt
emirim legeł awazî:
tepłida
tirpey pêy swareda
hawarî hełmetda
şirîxe şirîxey gulleda
katêk ke zordare berazekan
dwa axî mergî serşořî
heł’ekêşin
***
ke mirdim
memnêjin
ba laşem bibête pêşêlî leşkirî serkewtû
hêzî birsî û hejar
supay bo azadîy tînû
çend berzîye mergî pîroz