baweşênî gyan

diłdarî piřîş bêt le nasor le řêy zor gencaye
Li pirtûka:
Agir û Jîle
Berhema:
Kameran Mukrî (1929-1986)
 1 Xulek  943 Dîtin
le şî’rî germî naskołe
ey firîştey cwan, kiçołe
pepûleyekim kird bo to
řingim kird be tîşkî aso
nexşanim be tasey diłê
bo diłdarîy pak ekułê
nardim bo baxî diłdarît
kenar qełbezî nazdarît
nîştewe leser gonay guł
kewte lerzîn be coş û kuł
pirçî zerdit be nyanî
kewte baweşênî gyanî
keçî xunçey dem ke lerzî
hîway pepûlekem bezî
hełfiřî hatewe bo lam
bełkû nextê bigrê aram
lêm pirsî çîy wit xunçey dem
xunçey demî şîrînekem
bełam wełamî nebû, mird
nazanim bo çî wat lê kird
wa xom hatûme lat gyane
to û ew bejne řêk û cwane
to û şûşey meçek û gerdin
çît wit be pepûlekey min
ne şî’rekem ne namey ał
karî tê nekirdî çaw kał
biłê,... wa xom hatûm şîrîn
minit ewê ey nazenîn?!