ey kiçe şwan

ey kiçe şwan
hełałeyî
ey kenêrey kejî kêwistan
be şîneyî
nerim û nyan
be awazî şimşałeket
be lerey lêwe ałeket
hestî xoşîm bêne fiřîn
bo naw gołzar
çem û nizar
asmanî şîn
lade le xem
ey gułî çem
ey kenîşke wirdîleke
ey gułale neşmîleke
egrîce řeş
ey dîde geş
ey kiçe şwan!ey kiçe şwan
em çem û deşte şîrîne
em çya û dołe řengîne
ta dwênê bû,
lîte û lêşaw bû, tepunim
gyanî gułan bûn ewerîn
wa towî guł bujayewe
gułî mirdû jyayewe
le gwê awî qełbezî keř
diłop heł’esê wekû peř
ya wek pepûley naskołe
be tîşkî gizing zerd û sûr
binwaře ew şewbo wirde
leser ew tawêre berde
firîştey hîwa bigre koş
be nasor to mebe serxoş
ba bê
dengî şimşałeket
lerey bê lêwe ałeket
be awazî kameranî
nerim nerim
zor be cwanî
gerdin hetaw
egrîce xaw
ey kiçî şwan!ey bulbulî xoş awaze
gwê bigre le sozî taze:
«dîmenî siruşt řengawřeng»
cirîwey to zor be aheng
peřî hîwa kewte fiřîn
fiřey bekuł
le dołewe bo nizarî dawên řengîn
legeł şemał
serî derkird gułałey ał
firmêskî ałit bisřewe
katî «têkoşane» û zerde
awî şewnim bixorewe
hîwa hergîz
aramî korpey jyane
ey kenîşkî cwanî azîz
gułî behar
kiçî nazdar
ey kiçe şwan!