îmşew dyaren derdim karîyen
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
865 Dîtin
îmşew dyaren derdim karîyen
hûnaw ce zamim çun seyl carîyen
awazey meynet ne derûn sed terz
çun çilçeng we çeng xeman byen berz
bê hoşî ce hoş, kem famî ce fam
we hezar meqam mederan ce fam
sa neyçî dexîl, bê dêr û direng
mutrîb fîdat bam des bider we çeng
kef bider ew def, pencet ne řûy ney
be wêney barbud ce bezim aray key
nekîsa asa des der we semtûr
def û ney û çeng bawer we ḧuzûr
çilçeng we ser çeng lêder derqerar
we hezar destan binwazem emcar
wêt be ḧeqîqet mest biker ce mey
sazan bisaze pey waweyla û wey
kef bider we def, çing bider we ney
hîç mewaçe key, to xuda sa dey
bew awaz berz xas biker řazan
be ’eşq azîz nazk endazan
coş der we nałem, koł der we derdim
hoş der we xeman, goş der we ferdim
azîz bê xeber, meynet ba xeber
çenî řo meyo alilh akbirErebî