îmşew we kerdeş dił bê perde bî
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
766 Dîtin
îmşew we kerdeş dił bê perde bî
mefhum ce nałeş ey dû ferde bî
ey xam bê meẍiz, her poseke wêm
kos bednamî kos koseke wêm
ce cerdey hewes ne řesteke wêm
ne herdey ’ebes dest besteke wêm
hanam her we ton saqî cemîn cam
îḧya ker we naz, ce mey, merdey xam
çenî xefay çem bider we destiş
wey wey we ew mey yekser ker mestiş
şêwey daney xał ne toy cam mey
neş’ey mezey tom bidewş peya pey
mest bûn ta meḧşer wey arezûy yar
ce nefxey hawar diłan bo bêdar
beł xamî û ’ebes, bednamî û hewes
henî ne ałem nezřinaş ceres