cemîn řeşk cam cem nimay cemşêd
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
1055 Dîtin
cemîn řeşk cam cem nimay cemşîdNava taybet
řewş sencekey qurs ma û xorşîd
cew sawe xedeng mujet dił kawan
kûrey fîraqit koy sebirim tawan
zayfîm girew ce hewa berden
dîdem maçî ḧeb bîd encîr werden
yawerim naman ne kemer yek çem
ce taw řadar sułtanekey ẍem
ne teqwîm çerx şewan ta seḧer
pey zayçey wesił meşmarû exter
ne hîç burcêda nîyen řay necat
ẍeyr ce nîşaney fena û hem memat
ce xewf hîcran melerzûn çun wî
her katêt zana ecel peyda wî
ciłew wist pey taxt îqlîm beden
gyan be esîr berd pey esił weten
cê meyç hałî bo goşey mizgî û deyr
hana muẍennî yadit bo be xeyr
ce kon çirîkey celay zeng řûḧ?
sema’iş pêman medo sed fitûḧ
bo laber weswas şeḧnekey ḧewas
we kizey gyan soz meqamekey řas
bełkim ’ekis nûr zat bê sîfat
xedengê henîm bikero xełat
bê name û ’emel neşûn we meḧşer
pêm bo nîşaney bêřeḧmîy diłber