dîsan - nałey pîrî pîran
munacat - ḧuzeyranî sałî 1937
Li pirtûka:
Dîwanî Pîremêrd
Berhema:
Pîremêrd (1867-1950)
1 Xulek
751 Dîtin
perwerdigara eger her mûyê
zibanêkim bê şukirane goyê
şukirî nî’metî to tewaw nakem
be çît siruşt dam min her ew xakem
ew zimaney min şukirî pê ekem
to pêt bexşîwim bê zyad û kem
xwaye siřî xom lay her kesêk wit
xomî pê sûtam wek serebzût
her toy, mêrûleş řazî be toye
sûtawî şewqit sazî be toye
dergay bizurgan şew da’exrê
qapî to be şew hanay pê ebrê
gewrey dinyayî destî biçûk egirin
bew çakeye xełk le beryan emirin
to xudawendî ke xełqit kirdûyn
şeytan gewreyî toy le yad birdûyn
legeł eweşda her to bexşindey
nanman nabřît kerem kunnidey
xwaye pêm xoşe, serim bibře
perdey namûsim be xełk medře
xot ezanî xełk çend bê mirwetin
helyan bo hełkewt çend kem firsetin
be sikî birsî damnê leser berd
bełam memxere dest pyawî namerd