rahî şidin yiqîn bitsixîr amlak nifis amare
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
692 Dîtin
hay «derwêşNasnava edebî» neyca er mebî îskan
taze kem ce şa yeqîn dastan
sułtan yeqîn wezîr û serdar
řewan bîn çenî supay bê şumar
çun bad ne herca kerdin gudare
yawan be merkez nefis emmare
ce kenar şehir ḧeyme bî wepa
ewşew řaḧet bîn ta be seḧerga
seḧer casûsan «bî buku mikirErebî»
berdişan pey nefis mutme’în xeber
ce kenar şehir bîrûn ḧesar
menmano ne ’eyn xeymey bê şumar
serdarş esbab şahîş esasen
san û sîlsîleş hem bê qyasen
muxber bî nekar mutme’înney xam
cem kerd ce etraf supay xas û ’am