sipah bîrun kişîdin nifis mitmi’inh û rizim saxtin û şikist û qitilş
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
4 Xulek
948 Dîtin
çenî elxennas û mecme’ey supa
kêşan sîlsîley supa be seḧra
yasał da qişûn tîpan seraser
řast kerdiş sifûf be ayîn şeř
elxennas yemîn, meyser feqîre
wêş ne qelbigah merd bedçîhre
newteref sułtan yeqîn bî swar
tertîb da cenaḧ meymene û yesar
meymeneş siperd be ’îlim wezîr
ne cenb yesar sexa bî emîr
wêş ne qelbigah ba direfiş û kûs
sema bî be dûd, zemîn abnûs
çerxeçî ce beyn dû deryay ’ezîm
nyan ne pay ḧerb webê xewf û bîm
berz bî ce supah kûs û gebûrge
merdan kerdin germ řezim û me’reke
yek pehlewanê namş bî ḧesed
ne cenb yesar bîrûn bî ce ḧed
cewlan da be esp ḧerbey kîn ne kef
çend ce dilêran sexa kerd tełef
coş awerd ne dił serdar sexa
hełmet kerd çun şîr bew merd gumřa
be zerb şimşêr biřindey qettal
dûnîm kerd cesed ce ’ersey cîdal
buxil sehmigîn xiroşa be qar
tawda tekawer ẍuřřa be serdar
watiş: ce destim key mebî xełas
sînet mekem çak be ḧerbey ełmas
serdar wat: ey merd eger bît pagîr
ewsa bider laf ḧerbey tîẍ û tîr
serdar xûnxiwar be ḧerb û nêze
buxil ’enîdiş kerd řêzeřêze
nefis feqîre bîrûn bî ce san
serf kerd ce serdar ḧerbey sersînan
zerbet kerd ne kar serdar bew destûr
xêza heyahey ne aşûbey şûr
aman be hemda dû merd xûnxar
munawebey zerb awerdin bekar
be axir serdar be zerb şimşêr
da ne fewq ferq diřundey dilêr
kelleş bî dûşeq ta be kemerga
řoḧiş pey dozex derdem bî řeha
hucûm kerd serdar perê meysere
çun gurg şikar pey geley beře
çep û řast wêş ne ’edû kerd pak
çend serdar cesan yesar kerd hîlak
supay meysere ce bîm serdar
perê qelbigah kerdişan fîrar
ce herdû teref qumandan ce san
ateş dan be top meẍłûbey meydan
cewla elxennas perê meymene
germî da be ḧerb fîtney fertene
xiroşa wêney huzebir û puleng
wîs’et cengiş ne wezîr kerd teng
yek pehlewanê îsimş weswas bî
merd diłferîb hem bed’esas bî
pa nya ne pêş wesusey ’enîd
çend ce dilêran wezîr kerd şehîd
ce supay wezîr coş werd mew’îze
da ne kemergay weswese nêze
weswese be zerb nêzey canistan
derleḧze be nar ecel bî buryan
ne ḧerbegay řezim şêran sermest
wara be zemîn ser û sîne û dest
ḧerbey dilêran çun «milk almutErebî»
be «kin fîkunErebî» cengîyan kerd fewt
pêş sef bî cewdem sułtan yeqîn
ama ne ’eyniş mitmîney le’în
be zor bazû û quwey teberzîn
mutme’în gum kerd ne řûy serzemîn
nîran ḧerbe ce bad ẍîret
ce bêşey şêran sitana quwet
be axir yeqîn ẍuřřa be şêran
merdan pey hucûm kêşan direfşan
nepêçan ’enan merdan pakdîn
şikist dan be tîp supay kufir û kîn
qaw hey bikuş, zîřey «alaٔmanErebî»
deng da ne afaq mezłeme û îḧsan
kerdişan te’qîb be qetił û kuştar
şiksiteş berdin ta derûn şar
ce zerb merdan ḧerbey tazesaw
coşa be suqaq xûn wêney sêław
sułtan yeqîn emirş kerd îzhar
şehir emelş soçna be nar
elxennas şûm, îblîs merdûd
herdû menfî bîn ce mułk wicûd
sułtan yeqîn be zerb şemşîr
hersê îqlîmş awerd be tesxîr
nemend ce zemîr zelzeley ẍirêw
ne her heşt îqlîm gum bî neředêw
wezîr bî muqîm ce mułk heftem
be we’iz û tedrîs meşẍûł bî herdem
ne mułk heştem serdar sexa
muqeřiř bî ne text, ’elem kerd wepa
ne mułk şeşem sułtan yeqîn
kerdiş be merkez řyazet zemîn