amdin ablîs ’ilîh al’inة bih mîdan û rizim saxtin ba yad û giriftinş
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
868 Dîtin
ne cenb yemîn îblîs merdûd
be bazû kemend, be destiş ’emûd
hełmet berd çun ře’d hewada kemend
ser û ketif yad meḧkem kerd ce bend
serdar ḧeqîq sitêza ce sef
be bazûş îsper, sînanê be kef
hełmet berd perê îblîs we bê bîm
kemendiş girift, bikerdiş dûnîm
bazûy pehlewî be çeng kerd guşad
yad dilawer ce bend bî azad
yadiş kerd řewan be meqam wêş
wêş pagîr ḧerb îblîs bedkêş
ew ḧerbey xeter, êd zerb tewḧîd
daşan be hemda ce qurb û be’îd
serf kerdin ce yek tîr û teberzîn
ne ew bî melûl, ne êd diłḧezîn
ta serdar be zerb seyḧey sa’îqe
da ne kelley ketif îblîs barîqe
gurîz kerd ce bîm îblîs le’în
serdar ce ’uqbey le’în çun şahîn
ce qelbigay sef yawa be merdûd
da ne ketîf doş le’în yek ’emûd
nemend ce mel’un mefsedey efsûn
bêhoş bî le’în, ne xak bî nîgûn
cewdem merzîye ama be xiroş
hełmet bezd îblîs berdařo be doş
derleḧze serdar be nêzey abdar
merzîyey le’în kerdiş nîgûnsar