arastin lişkir tirfîn bih rizim dir ’irsegah
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
3 Xulek
810 Dîtin
emirş kerd supa yekser bîn swar
tirtîb da be qelb meymene û yesar
wêş ne qelbigah, îblîs meymene
elxennas meyser perê fertene
herla dan we bad direfiş kebûd
dilêran sermest senan û ’emûd
cew teref serdar û wezîr kamîl
tîpan be ayîn ceng kerdin tekmîl
wêş ce qelbigah, serdar ce yemîn
cenb yesarş siper be yeqîn
ne canîb yumin û yusir û qelbiga
sazan îḧtyat, heryek ne yek la
ceqelb û cenaḧ direfiş bî wepa
pencey direfşan poşa mîhir û ma
deng tepłikûs, seday keřřena
kîran ta kîran cîhan lerzina
supa mulebbes camey fûlad bî
řûy zemîn ne ’ekis fûlad sewad bî
nesîmey dehşet serda ce şêran
lerze da ne cerg e’zay dilêran
barişt qeza ce ebir ezel
da ne mezre’ey ḧeyat be ecel
dilêran ḧerb ne pey neng û nam
herkes perê ḧerb ’edû kerd xeram
çerxeçî ce beyn dewrîyey supa
germî dan be ḧerb çun ahînřuba
yek pehlewanê ce supay îblîs
qedem da ne pêş merd mudessîs
mîhmîz da be esp merd pehlewan
îsimş be ẍafił faş bî ne cîhan
lerzina nêze, te’lîm da merkeb
mubarîz ce san yemîn kerd tełeb
yek namdarê ce supay serdar
nehîb da be esp, xiroşa be qar
be germî ateş, be tundî çun bad
îsimş ne ’alem meşhûr bî be «yadKes»
dewan da be esp, ẍuřřa be ẍafił
watiş hey ebleh, hey teşney ecel!
pagîr ber ne ca ey merd fetûn
taçîhrey bextit be xûn kem gułgûn
ẍafił derleḧze nêze şend perêş
yad dilawer siper da ne řêş
çun salim bî yad ce zexim nêze
derdem wêney şêr nîşt ne sitêze
da ne kemergaş yek seyf buřřan
dûqed be ẍafił ne sefḧey meydan
yek şexis henî fîtne bî namş
’alem melerza le zor û samş
şana perê yad qeddarey fener
îsper da neřêş yad dilawer
ce quwey bazûy fîtney dił kebûd
îsper pare bî, şeq kerd kiławxûd
yad dilawer çun şêr jyan
da ne kemergaş sermewday senan
fîtne ce hewa řoḧiş kerd teslîm
řewan bî çun dûd be nar ceḧîm
nefis natîqe kerdiş tereqqî
ama ce meydan merd mutteqî
da ne ferq yad ’emûd giran
siper da ne řêş merd pehlewan
zerb natîqe nebexşa te’sîr
yad dilawer dest da be şemşîr
da ne ketîf doş natîqey ’enîd
bî be dûpare mirdar pelîd