řêwî û mirîşk

mirîşke qułe çwar pênc cûçkî hebû. cûçkekan gewre û keçełe bûbûn. leser darêk le nizîk şînawerdî xawenekeyanewe hełnîştibûn.

mam homerî xawenyan hêşta şewî mabû tułeqendî bird û çû bo řaw. taze mam homer le kendełanekey nizîk şînawerdeke çûbuwe xwarewe. mam řêwî lewlawe peyda bû, gutî:

- beyanît baş mirîşke qułe!

mirîşke qułe wełamî dayewe:

- beyanît baş mam řêwî! bem berebeyane xêre wa bo em laye hatûy?

řêwî gutî:

- xêrandar bî mirîşke qułe! beyanîye, fênk û xoşe. hatim serî dost û aşnayan bidem. were xwarewe ba nextê hełpeřîn û xem le diłî xoman derkeyn.

mirîşke qułe řwanîye lay kendełaneke. mam homer le hîç kwê dyar nebû. gutî:

- herwa be wişkî nabê!

řêwî gutî:

- min goranî dełêm. çiş ba dehoł û zořna û şimşał nebê, qey naka. be goranî hełdepeřîn.

mirîşke qułe gutî:

- başe to des pê bike ta min wirdewrde xom amade dekem.

řêwî destî kird be goranîwtin:

- de xome xome xome, dayk û cûçkan dexome, dinya be keyfî xome.

mirîşke qułe gutî:

- ke wate ba minîş lêrewe bot bistênmewe: mam homerî bin kendî. were seyrî gobendî, be xot û be tułeqendî, kewłî mam řêwî be çendî?

řêwî gutî:

- wa mełê hełpeřkêke têk deçê.

mirîşke qułe gutî dey ca toyş wa mełê ba hełpeřkêke têk neçê.

řêwî gutî:

- eme goranîy řêwîyane. min her goranîy wa dezanim. mebestim hîçî dîke nîye.

mirîşke qułe gutî:

- emey minîş goranîy mirîşkane. minîş her goranîy wa dezanim.

řêwî dîtî dinya xerîkî řûnakbûneweye û bo ew direng debê, gutî:

- başe ba her kamêkman goranîy bo xoy biłê. xêra ke were xwarewe ewa bendêkî dîkeşt bo dełêm. mirîşke qułey pankê, kewte dîzey xwankê, nemawe êsqankê.

mirîşke qułe boy sendewe:

- mam homerî bin kendî, were seyrî gobendî, be xot û be tułeqendî, kewłî mam řêwît be çendî?

mam homer gwêy lê bû. le kendełaneke hate serewe. le dûrewe řêwîyekey dî û tułeqendî tê ber da. ha bîgre, ha derî nekey! aferem tułeqendî.

řêwî çwar qaçî bû, çwarî tirîşî qerz kird û têy teqand. mirîşke qułe bangî kird:

- mam řêwî bêqeza bî! ewe bo kwê deçî? de were hełpeřkêkeman tewaw bikeyn.

mam řêwî le dûrewe be dem řakirdinewe wełamî dayewe:

- qisey toye! hełpeřkê bê şimşał nabê. deçim şimşałjen bang dekem.