xosazkirdinî wezîr bo seferî bałekan
Li pirtûka:
Las û Xezal
Berhema:
Mela Kerîm Fîdayî (1928-1993)
1 Xulek
572 Dîtin
bîstî ke le şa, wezîr hesta
neykird direng û řanewesta
deykirdewe ew demey des û bird
qifłî le derî xezêne labird
hênayî be bare zêř û gewher
dîba û ḧerîr û zêw û zîwer
çen core mecum’e çende sînî
dewrî le bilûre ya le çînî
haławe le çînî û le dewrî
desřoke le sirke ya le hewrî
kokoyî dekird ew şitane
deydawe le bar û barxane
swaranî bijêrdiraw û qoçaẍ
aza û netirs û berz û buřnaẍ
dedrawe le san her le meydan
wek bewrî beyan řadewestan
êstir le şiřey ke bar dekiran
bo koçe hemû, weřêye dexran
bo bałeke deng dirawe êstir
lew řêgeye, ew bibûne awir