key payîz cejnî guł bwe

dayk:- řołe megrî, emřo cejnî minałane
pêkenînî řûmetî xor...
cencerêkî bê kałane
kuř:- daye cejin, manay çîye?
dayk:- řołe megrî...
wate leber agirdanî, małî xoman
kulêrey sûr debirjênîn
řołe wate ...
ḧezoketan, weku guław
be ser gyanî dayk û bawkitan depirjênin
kuř:- ca kwa ewe... cejnî mine
wek hêłegî berçawî xor... hemûy kune
de pêm biłê..
daye cejin le kwêwe dê?
dayk:- řołe cejin... swałkerêke
le şeřwałî girêdrawa...
azuxey zistanî pê ye
karwanêke, be naw tîşî, çewsanewe
ciłewkêşî, espî şêye
kuř: ca daye key degate cê?
dayk: ke le fêrgey birsêtya
xwêndimanewe...
bimrî çewsanewey însan
xwêndimanewe... bijî hejar
sibey şořş... deka be nan
1/4/1979