xozge emzanî ’edalet řeng û řuxsarî çîye
Li pirtûka:
Dîwanî Muftî Pêncwênî
Berhema:
Muftî Pêncwênî (1881-1952)
2 Xulek
1554 Dîtin
xozge emzanî ’edalet řeng û řuxsarî çîye
berge xorake weya dar û dirext û sewzîye
sêwe hencîre weya darêke řengî wek bîye
şêre ya gurge weya baze yaxûd tûtîye
min ebê lêy bê xeber bim ya le esła her nîye
wek ’edalet basî wîjdanîş eken me’mûrekan
xo leweş ḧałî nebûm qestem be zatî lamekan
her wekû ’enqaye herdû îsmî bê cisim û nîşan
řenge ya cin bê weya dêw û perî bin bê guman
’edlî çî û wîjdanî çî çawbestî lat û birsîye
xoşî xoşî bo feqîr û bênewa îş danra
řizqî mîllet kewte temwîn û řezalet labra
mexzenî mistewrede embarî gewre piř kira
pakî beş keyn bê ewey ferqî bibê herwek bira
axrî bo ḧacî û erbabî mêz û kursîye
bêyne seyrî bay’ û beş kirdinî kûtał û ça
numre eweł bo efendî baqyatî herçî ma
çakekey bo dewłemend û çî tirî ma bo geda
kame wîjdan û ’edalet pêm biłên êwe û xwa
ger diroy têkeł nebê emřoje nefsî nefsîye
çî ezanim şerte bîłêm kake ger bîşmikujî
çun şehîde bîkujin herkes le řêgey nawbijî
bo çî min nemdî feqîrê bête bay’ pêy bijî
dewłemend ta key ebê to xwênî xełkî hełmijî
xwardinî em xwêne lay to kałeke ya şûtîye
řenge têk çûbê be carê řeḧim û însafî beşer
ya fîrarî kirdibê lay ême derçûbête der
ya xerafatêke bo qewmî nezanî quřbeser
bo ewaney hîçnezan û hîçnefam û bê xeber
ya eger bûbê û nemabê bextî çewtî muftîNasnava edebîye