bînînî wesfî natanî ’eca’ib newcewanêke
Li pirtûka:
Dîwanî Samî Ewdal
Berhema:
Samî Ewdal (1910-1985)
1 Xulek
412 Dîtin
bînînî wesfî natanî ’eca’ib newcewanêke
kemer şil pence şimşał û çi şox û sîne panêke
ke dawî ’enberî xawî deşwênê nesîmî dem
wekû ceyşî feřeng û řom le řûy yara hejanêke
le taracî xet û xałî dehan û dû lebî ałî
be qîmet bê be herzanî hezar gewher didanêke
le her la kuştinî ’aşiq bebê kes û fîẍanêtî
lelay me’şuq selb bawe le yaran xwên řijanêke
le qanunî gelî dulber cefay ’aşiq ke pêwîste
bełam ’aşiq bebê çarî le tawa neẍmexwanêke
perêşanî qedî ře’na lebo ’aşiq zulîxayî
letulî wêne wek min bû minîş wek wî zemanêke
le tawî to heta mirdin binałênim eger yare
be’umrî dûrî ta mawim lelam her wext û danêke
çi derd û miḧnetî ’îşqî nekey tuş bî bełayêke
çi hewraz be pêç pêçe çi berz û çon telanêke
«be sama» ger nebê hunner miḧałe lêy xelasît bê
ecil herdem le dewrîda wekû danî sepanêke