hewł û têkoşîn
Li pirtûka:
Dîwanî Fayiq Bêkes
Berhema:
Fayiq Bêkes (1905-1948)
1 Xulek
1311 Dîtin
řoj û erz û mang wa le geřaye
toş tê bikoşe ta hêzit tyaye
însanî îşker ḧebîbî xwaye
bekem řazî bît zor le řê daye
serî bê řojî lejêr xakaye
kake danîştin mał wêran eka
bê îşî însan perêşan eka
nefret le xoy û le jyan eka
nan û mafî to her le karaye
serî bê řojî lejêr xakaye
mêrûle de’bay biçûk û wirde
seyrî ke ke çend bedest û birde
da’îm xerîke bekoş û kirde
pyawî bêkare wek mirdû waye
serî bê řojî lejêr xakaye
bepêy fermûdey ayetî qur’an
le se’î zyatir nîye bo însan
hewł û têkoşîn ferze bo jyan
nabê mey’us bî to lem dinyaye
serî bê řojî lejêr xakaye
mełê feqîrim, kufrî nî’mete
leşî saẍ bo to mułk û serwete
pyawî tewezel lat û negbete
qołî lê hełke biçore kaye
serî bê řojî lejêr xakaye...