ewřo ḧesen peyamî do’a û siławîye
Li pirtûka:
Dîwanî Seyfulquzat
Berhema:
Seyfulquzat (1876-1945)
6 Xulek
790 Dîtin
ewřo ḧesenNasnava edebî peyamî do’a û siławîye
bo mîlletî řeşîdî penay beşxurawîye
kanî ’edałet û «wekû yekî» û birayetî
zeḧmetkeş û bekar, çi jin ya pyawîye
her ’îlim û sen’ete ke lekin wan řewacî bê
bêqedre dewłemendî û mułkî kiřawîye
ta řûs bimênê kake, le tarîxî ’alema
beydaẍîşî ke sûre be xwênî řijawîye
mexsûs lebo şeřn nefer û efseranî wan
nek ’eyş û noş û lezzetî şîr û kekawîye
her yek be řojî me’reke şêrin le nêr û mê
bew qołî daxraw û belek derxirawîye
bo medḧyan bese ke kesî bêkesan ewn
bo mîlletî ze’îf humêd û henawîye
karî bedestî xoyetî her mîlletêkî bê
ser dadenên leboye le řê kes nemawîye
qefqaz û řûs û uzbek û tiflîs û êrewan
tacîk û tat û tirkemen û herçî nawîye
herkes be miłk û mîlletî xoy şad û řazîye
azadî, serbexoyî weha pêdrawîye
dinya tewawî çawî le tank û le topî wan
teyyare, bom û ejder û zîplîn û nawîye
goy sîbqetî fiřanduwe emřo le ’alema
fexrî řefîqekan, be quşûnî tewawîye
řûy kirde her sipayekî meḧwî dekatewe
fetiḧ û zefer lîbase be bejnî biřawîye
ełman ke lafî gewreyî lêda le’astî wan
piştî şika, nîşane selîbî şikawîye
her cêgeyek ke dujminî bo çû, wepaş dira
pêy ma serî şikawî û qûnî diřawîye
gîrawe şarekanî de nazî be fetḧî wan
serberzîyek ke mabê serî bê kiławîye
ew serkeşe ke dwênê le tirsî delerzî ’erz
ewřoke bote mesxere, her qaweqawîye
her dewłetêkî girtî be xwênawî mîlletê
gîrawe lêy be zor û kira derkirawîye
bedbextî û şikist û zelîlî ke hate řêy
neyzanî mudde’î le xeyałatî xawîye
kałey diřa, çî pê nebřa, piştîşî şika
kewte hîlak û ẍeřẍeře, karî kirawîye
ew fetḧî wa kira le sitalîngiřadî wan
derçû becarê dujmin û toqî zirawîye
cêy ḧemleyane ewřo urûpa be panewe
japon le tirsî wane le çîn çaweçawîye
kurdan ke hatuço deken ewřo be piřçekî
«nîştîman» zimanî wane be emrî dirawîye
řojnamekanî tirkî le tewrêzê dayrin
boç her le kurdî derdî dił û tengetawîye
xo kurd û fars her dû biray dayk û babêkin
wek yek nebê, leber çî, beş û nan û awîye
lew cewr û zułim û zeḧmete dedrê be kurdekan
manyan nemane, jînêkî seg tê řyawîye
pêm kut be padşa û be wezîr û nuxust wezîr
awřêk we kurdî den we be ḧałî biławîye
her kurde xwênî xalîsî êranî pakî bê
neykirduwe be tirk û ’eřeb têkeławîye
me’mûrî ḧîz û bêşeřef û xa’înî weten
řaportî bed deda be diro, çunke dawîye!
sertîpe şête, hoşî kerêkî tewaw nîye
tehdîd deka be kuştinê, em demgiwawîye
nemxiwêndewe le nasir û xusrew şikayetê
«zêro» û «ḧemeřeşîde» serî bendubawîye
bêřeḧmî, bednîhadî, degeł kurdî tabekey
bes bê ewende ferq û cuda’î, çi nawîye?
asûdeyî meramîye, kwêxayî małî xoy
nek bête jêrçepoke, be şeq lêdrawîye
sersewze baẍî arezû nîzîke bête ber
mezray humêdî tînuwe wextî şewawîye
herkes ke řuşdî bê hewesî małî xoy deka
towêke zorlemêje le baẍda çinawîye
exlaqî çak û xwêndin û dîndarî û «îttîḧad»
gurc û bekar û cełd bê, nełên sawesawîye
hergîz ḧeqî jyanî nîye pyawî bêsewad
çawsûrî xoy nebê û wetenî pê biřawîye
be zimanî daykî xwêndin û nûsînî bo nebê?
ew mîlletî qedîm û ziban bestirawîye
ḧubbî weten nîşaneyî îmane kurdekan
nîştimanî xot wejêne, be pêç û kiławîye
merd çake ew kesey serî danê leřêy weten
bakî nebê le bend û le darî çeqawîye
mindałekanî bêsere bûn daykî nîştiman
heryek be layeka sebebî bê leẍawîye
cîraneket be arezuyî konî xoy geyî
kasey cîranî kê dî lewî lênrawîye
to ser le min bixiwaze lebo kêşkî nîştiman
çî dête ser ziman, be kurdî kirawîye
hewramî û celalî bo simnan û sawe çûn
sabłaẍî bo şîrazê řepêçek dirawîye
merkez leber çî hîçî nepirsî le ḧałî wan
kê dî be ẍeyrî kurdî weten derkirawîye
mîwan bexêr hênane lebo kurdî bote şwên
derk awełaye, sifre piř û řaxrawîye
serqijnî, pûzřûtî, kiçî kurdî nayewê
dawênî dadřaw û serî pêçrawîye
êxêkî dadřaw û kirasêkî serleber
desmał û şałî pişt, şil û badrawîye
qoł hełkiraw kirasî be piştêndîda kiraw
çarşêw le şan û zulfî belada kirawîye
bew sîng û baske řûte le min bote qûtî řûḧ
bew lêwî ał û perçemî kał û biřawîye
gerdin biłînd û sîng û kefeł hênde pan û poř
barîk û şûş qamet û qed, çawniwawîye
kîjanî cwanî ’êlî ledûy xêłî dên, deřon
askin le bask û sûrequrîngî şetawîye
sincaq û kuḧlî berok, bermûr û pêşeser
maynî keḧêlî ’êlî, řext lêdrawîye
kîjołekan bibîne lenêw barî wiştiran
estêrekanî geş le ḧewařa kişawîye
îy me kewn, le kêw û deranda ke dê û deçin
ew, tawsî sayeperwere neydîwe tawîye
îy me, xerîkî tewn û teşî û çêşt û nan û xwan
ew, lêwî sûr û podir û fiř û kil de çawîye
îy me, xerîkî zeḧmet û kar û meraretin
ew, ḧukmiřanî mêrde, le jêr des kiławîye
her çî kutim, nesîḧete, ’eynî ḧeqîqete
nek suḧbet û cefenge, mełên çawwiřawîye
ew şî’re layqin le berîken ciḧêłekan
yadim biken be xêr û du’ay bo kirawîye