’enberî zulifit bedem seba de
Li pirtûka:
Dîwanî Seyfulquzat
Berhema:
Seyfulquzat (1876-1945)
1 Xulek
1223 Dîtin
’enberî zulifit bedem seba de
leser mangî řût hewrî mût lade
ta řoj wekû şêt, řû le kêwan ka
tozî ẍusse û ẍem heste be ba de
le ’îşqit mirdim, wesîyetit bê:
boxot bimnêje, tełqînim dade
ta biłên zuḧḧak mar leser şanî
tayek le zulfî çîn çînit bade
be camî dîde, cemşîdî ceme
be textî sîne, wek keyqubade
kutim kuştûmit be ẍemze, fermûy
şêwey şîrîne, řesmî ferhade
le dûrî bałat şew heta seḧer
karim giryane, pîşem feryade
takû pamał bê xwênî mezlûman
pencey şimşałit, řeng û ḧena de
be ummêdî wem bêye ser qebirim
boye wa ḧesenNasnava edebî be mirdin şade