şemał
Li pirtûka:
Dîwanî Seydî
Berhema:
Sed (1785-1849)
2 Xulek
955 Dîtin
şemał megêrû wenet nizayê
er be nizaw min bibot řezayê
taqet çêm biřyan nemenden tabim
hûn meşo ne cerg kizey kebabim
yek şew bay şemał wer ce sub seḧer
be dewan welay qîblem guzer ker
welê lwanit bey tewr be dew bo
şo welay şîrîn, hêman ne xew bo
perdey naz ce řûş bider welawe
bose der be qurs qemer sîmawe
çîn çîn destey zułf xem werdey cemîn
perçîn ne dewran guł baẍçey cemîn
maze peşêwyan be řûş we hemda
nek pêwar bo mang ne diłî temda
çûn nûrî îman ne řûş medrewşo
ba zułmatî kufir îman nepoşo
wextê bay şemał perendey tîj řew
şîrîn dîde mest hormêzo ce xew
cewdem be îkiram weneş sełam ker
’erzu ḧałî min peneş temam der
şemał wêt kere be zwanû min
waçe be şîrîn, soy çemanû min
min qasîd celay دەردەارێûەم
kyastey diłî bê qerarêwem
pey to seylî hûn meşo ce çawiş
pey to ce çawan dûr kewten xawiş
pey to bê aram sersam û lêwen
ten zamî xedeng mujey toş pêwen
perse şîrînê meyl êmeş lawen?
ya ce şertî wêş çûn zułfî xawen?
pey seydîNasnava edebî mergen bebê yar jyan
maze bay şemał bisparo gyan