sełwî bad berde
Li pirtûka:
Dîwanî Seydî
Berhema:
Sed (1785-1849)
2 Xulek
797 Dîtin
sełwî bad berde, sełwî bad berde
mîḧnet zedey derd, sełwî bad berde
be nałe û giryan çûn azîz merde
pey çêş řêzanî, derun bê derde?
wat ce dîdey bed min pêm neyawan
xetay kes nyen, ce wêmen tawan
řwê min meşẍuł be qyamim bê
ser mestî bałay weş endamim bê
min ce weşî û zewq, şemał wepay herd
pey pey ce qyam bergî xemim berd
pêse mezanam ce řûy dunyawe
nemerdan çûn min hîçkes be pawe
qemer řûmetê, dîde syayê
mujgan neşter saw, ḧeyran dyayê
be safî cemîn wêney camî cem
bała çûn seru guł ẍunçey îrem
be sed naz çûn ḧûr mexêzo be qest
ta bazařî ḧusin min bido şikest
xêza şu’ley nûr wextê horêza
be xêzyayîş řestaxîz xêza
dîm pêçan ne dewr bejin û bałay wêş
darayî û qumaş, ał û wałay wêş
bała çûn ałay ser’efrazî wêş
şêwe û lence û lar, xemze û nazî wêş
ḧeyranî ew bîm min wêm şî ce wîr
pî tewr bîm xemnak, pejare û diłgîr
ew xezan sełwê, min pa bendî gił
min kogay xeman, ew dermanî dił
xeylê temaşay bałay ew kerdim
daxî zerîfîş ne derûn berdim
ewsa çew dima girewam, nałam
ta bad bido bad şiksitî bałam
neba ew bała, nemamî newxêz
yaran bwînan min wizan we bêz