sûre herałe
Li pirtûka:
Dîwanî Seydî
Berhema:
Sed (1785-1849)
2 Xulek
1162 Dîtin
sûre herałe, sûre herałe
sûre herałe, weş keyfî ḧałe
pey çêş řengî to her sûr dyaren?
řengit çûn yaran wek şay weharen
wextê êd şineft sûre herałe
watiş řengî min weş keyfî ḧałe
«daymu الاەûْqat» ce weten û wêm
nîştenaw xerîk şewq û zewqî wêm
nepay «werwawan» wextêw min mew ber
řengem sewzene neřûy «werkemer»
înca ce naga seyr keru ce dûr
dyaren baław yarekeym çûn nûr
wextêw a yare nizîkim mebo
law sereymene têr seyrim kero
bwê û weşe megno ne serem
řengem sûre bo zû be xatir cem
pî řenge řengim be sûr dyaren
sûrî řengî min ce sayey yaren
keçî ce nagah çerxî puř sitem
min û azîziş cya kerd ce hem
horêza lwa perê yaney wêş
minş kerd bê naz, xatrîş perêş
řengem hor gêła ce řengî wełîn
diłim matem bî, bêzaru xemgîn
girewam fire ce daxî gerdûn
herso çemaw min ce ḧîsab bêrûn
pase zanênê yarî wefa dar
er dûrîş gino megêrû qerar
ke ade lwa bebê behane
herso çemaw min ama çûn hane
seydîNasnava edebî xo ce dax bê wefayî yar
çî serzemîne nyenş qerar