dił nałanşen
Li pirtûka:
Dîwanî Seydî
Berhema:
Sed (1785-1849)
2 Xulek
1155 Dîtin
dił nałanşen, dił nałanşen
hamseran ce derd, dił nałanşen
zwîrîş ce taw xeyałanşen
arezwî tewaf ’ewdałanşen
ce dûrî yaran bê qerarîmen
waweylawu ḧeşir, şîn û zarîmen
arezûm kerden çûn qedîm sałan
bişûn pey tewaf bargey «’ewdałan»
be diłey ẍemnak namradewe
be derun ẍembar xem be badewe
fesłî guł geşten, wadey gułanen
’etirşan deway derdî diłanen
ême û dił herdû, be zarî û lałan
ba bişmê we seyr bargey ’ewdałan
pey dîdarşan germî tasemen
ser zemîn girten, dûy henasemen
«pîr řostem» wêran, kes nyen têşda
wêranîş medo cergim be nêşda
«şewbo»ş nîlî poş, xemgîn dyaren
«çinûr»ş peşêw, çûn zułfî yaren
serberzan, herdan, ’ewdałan taren
seyriş pey yaran çûn jehrî maren
ba be do’ay xeyr yaran kermê şad
xasî ’ewdałan bawermê weyad
her hefit ’ewdałan bigêrmê daman
bełkim byawan yaran welaman
ya hefit ’ewdałan dił pakî dił saf
namtan meşhûren ce qaf ta be qaf
saknanî ẍar, koy berzu bułend
do’a meqbułan bargey xudawend
we berzî ew ko berz bo payetan
be daym peyman meno sayetan
seydîNasnava edebî şertiş bo çûn wefa daran
beyo pey tewaf bargey ’ewdałan