dostem livo
Li pirtûka:
Dîwanî Seydî
Berhema:
Sed (1785-1849)
2 Xulek
1043 Dîtin
dostem livo, astoş cya, ax çêş keru, bê yar xwêm
daxêş gird înê diłmenê, herta mirû daẍdar xwêm
kesłem nyo yadêm kero, dalêwe xemxiwarêm kero
kê şîwen û zarîm kero, pey ko milû, bê yar xwêm
komyo nebê dadim kero, law dostewe yadim kero
bełkum zeřê û şadim kero, dadu meded, hawar xwêm
er min ginêm çemłem çemêş, çî înde kêşênê xemêş
şerbet werênê ça demêş, wêm xas kerênê çar xwêm
řengem ce berwe sûrene, bê dost zêłem nûrene
řazem dirazu dûrene, ten şiqłewu bîmar xwêm
hawarmo pey te zeřîn, dił mebye evdał û berîn
wêł û keş û kow wer meřîn, ser somenû sadar xwêm
kem tałenaw, îqbał xirab, kerdim siłom nebêt cwab
zêł û minit gêre kebab, megnom wene, bê ’ar xwêm
sa dem pene tełê û řyon, qîmetşene sonem gyon
çî mamełe megnom zyon, gamawe řû îkirar xwêm
xemłem fire, şadîm kemo, sînem byen kogaw xemo
gird derdu dûrî to menû, zamotewe yekcar xwêm
to mey, milî, yagêw terî, pey çêş tirêz ce min kerî?!
îmonû min girdî berî, bê qedru sûk û xwar xwêm
sa borê lam, endaze kere, dengit weş û avaz kere
dalêwe xemze û naz kere, ez bo fidêt nazdar, xwêm
seydîNasnava edebî linu boł û feqîr, ’eşq û cuvona gêre pîr
çing û xemove ware gîr, xemkêşeł û ẍembar xwêm