ḧenîle gileyîm lê naka

ḧenîle
weylê.. wayî.. seḧere
le tarîk û řûnî em seḧereda
debme çyayek berdî meřmeř
debme řûbarêk giřî befeř
le qendîlî «tûr»y kurdida
debme aşna û xerîke řawêj..
na.. na.
karwanî em denge
hezar û yek qatirsiwarî legełe
hezar û yek xencerî debanyan
pêye
lem seḧereda demkujin!
çîye em dengey
merhemî sařêjbûnî
hezar û yek zamî xencere?!!
çîye em dengey
wek genim demhařê û
demka be nan bo «ḧenîle»?!!
ay.. ay ay yay
çi dengêke
emey sozî dapłosînî
nahêłî têy bigem?!!sed ḧeyf û mexabin
kaşka lem tenyayîyeda
le baxełîda
nenûstimaye.
kaşka
dugmey berokî
em dengem
netrazandaye.
gelî biraderîne
eme dengî sêweye
yan tavgey xwênêkî germe û
beser befrî gyanmida
deřjê!!