wiłaxe mangirtuweke

ke xurpey şî’rêk
teng be gyanim hełdeçnê
ne xom qełemim pêye
ne demdenê.
gyanim ser hewa dekewê
ne le zewîm, ne le esman
ne le mergim, ne le jyan
wa sexłetim
deşê řojêk xom řabênim
be gwêzanêk, lebrî qełem,
penceyekî xom dabênim.êstêke wam
kaẍez û xameşim pêye
keçî herwam
seyre lelam!
to biłêy gyanim derneçê?!
«ha... mergî çî?
to beqed wiłaxêkî mangirtû
behêzî.
to beqed pêẍemberêkî şêt
cencałî»
bełam gyanim
leser hewayekî lînce
ne le zewîm, ne le asman
ne le mergim, ne le jyan
to biłêy..!
a..a.. biłê
bełê dûrî
le řwanîne beharîyekanî «sîva»
le çirpe sewzekanî «şîrîn»
le beste řûnakekanî hawřêman
dûrî.
dena çakît û mergî çî
beqed wiłaxêkî mangirtû
behêzî
beqed pêẍemberêkî şêt
cencałî
hêşta karit bem jyane
zor mawe