goranîy şeqamêkî tirsinak

demew êware
xotan deken be şara
ser deken be hemû małe hejarekana
zerdexene deçênin
çawî nazdaran deřêjin
laylaye bo sawa birsîyekan deken
legeł kirêkaran.. sibeynan deçne kar
goranî xoşyan bo dełên
yasawłan,
gwêyan le dengitan debê
detangirin
detanken be peta
demew’êware xo dekenewe be şara
serdekenewe be hemû małe hejarekanagwêm le goranîye xoşekete
herdû bałim bo kirdûytewe
ey aşna
bipeřêrewe baweşim
em şeqamî tirs û merge bibře
bê oqrem
bot dagîrsawim
em tarîkî şewezenge bibře
lemêjewe nazdarêkî aşna
em şeqamey nebřîwe
lemêjewe em şeqame
hengawî pêẍemberêkî nedîwe.lewdîw şîşî asnînî wêstigey em şeqamewe
gwêm le goranîye xoşekete
tîşkî hîwa
pepûley ser gonate
kot bişkêne û biçrîkêne
lemêjewe çeqoy ye’is
cergî hełmetî çinîwe
em şeqame goranî lê bizir buwe
medarekey her firmêsk û xwêne
biçrîkêne
lemêjewe em şeqame
qaspey kewêkî dengixoşî
be xoyewe nebîstuwe û nedîweto goranî xot biłê û xemî şî’rekanim mexo
xoyan pê degirin û depeřnewe lay çawanit
tirsinakîy şeqam û neřey tîjî celladan
debne dest û deçne bînyan
bełam her depeřnewe
otombîlî nayabî «polîsî pyawbaşan» deyanşêln
bełam her depeřnewe û degene fenerî çawanit
her lewaney le ḧeqîqet degen
dengyan têkeł dengit debê û sirûd dełên
debê bîłên
lemêjewe em herême sirûdêkî bergirî nebîstuwe
em herême estêrekanî nûstuwe
lemêjewe pêẍemberêk:
goranîy bo kotrekanî em herême newtuwe
em şeqamî tirs û merge bibiřn
dway hemû hełwasînêk
xobkenewe be şara
serbikenewe be hemû małe hejarekana.