lew demey pirşingî xorê le meşrîqî wanewe
Li pirtûka:
Dîwanî Natiq
Berhema:
Natiq (1886-1967)
2 Xulek
615 Dîtin
lew demey pirşingî xorê le meşrîqî «wan»ewe
xoy girê dawe be cîlwey kêwî hewramanewe
em wułatî şarezûre piř le ’îşwey ḧeq buwe
zimzemey mîllyetî xistote naw kurdanewe
yarebî du’am wehaye ew ’alî qedru û hîmmete
her be durî xey le fîtne û bełay nagehanewe
espî tořî şewketî yexsîrî turkan qed nebê
gîrodey nekey be deway weyşumey dewranewe
ew supehsalarî ’esre baranî feził û kerem
dabbarênê beserya le ’erşî řeḧmanewe
palewanêke le ’ersey mîllyetda bê nezîr
wek tebîb waye be xemî deway zamanmanewe
řoj û şew xełk han’eda bo îtḧad û înqilab
ew leser meslekî pakî şêxekey pîranewe
her ełê û hawar eka qewmîyet le bîr meken
dest be quwet pişt bexwa bikewne cewlanewe
bêne meydan yekgirin bo def’î derdî weten
gerdî em xake biken be surmey çawanewe
her beyekgirtin debê îstiqlalî memleket
her be yekgirtin tureqqî dête naw nawanewe
řîşeken ken xarî de’wa marî nîfaq qiřbiken
ẍulî cehalet be nefret tuřdene zîndanewe
besye natîqNasnava edebî medḧî şêx bem şêwey to nakirê
her biłê xwa ḧîfzî katin le çeşmî bedanewe