dił giriftare be ’îşqit camî mey dawa eka
Li pirtûka:
Dîwanî Natiq
Berhema:
Natiq (1886-1967)
1 Xulek
1444 Dîtin
dił giriftare be ’îşqit camî mey dawa eka
ḧelqey zîkirî têkçuwe arezûy newa eka
ẍemzeyekî çawî mestit bo minî aşufte ḧał
merhemêke zamî kon û tazem midawa eka
lanewazî destî çerxî bed sirîşte řoḧî min
bes le dawênî kirast temennay me’wa eka
hênd sizat dawim be naḧeq şêwawe nezmî ḧeyat
gyan xerîke dêteder le ten mał awa eka
bêrewe ser barî řastî tawê bimdiwêne be naz
bew çawe bazet biłê bo ḧez le de’wa eka ?
bo ewende diłreq û sersextî ? sa pîm biłê
kê beramber ’aşiqî xoy karî nařewa eka
nazenînim katê dêyte ḧałetî xende û kenîn
mest ebê xunçe le xoşîya xêra demî wa eka
pêkene şîrînî ermen bom ba danit derkewê
ew demey perî le asman be ḧusinit biřwa eka
şî’rî to natîqNasnava edebî ewende diłpesende be xuda
her le zerdexeney lêwî mindałî sawa eka