dił meřencêne tûşî qîn ebî
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
873 Dîtin
dił meřencêne tûşî qîn ebî
be dił azarî na’emîn ebî
lêkî berewe ke wa kesê hat
cinêwî pêday çend girane lat
dyare ew keseyş diłî êşênî
îtir dostîy têda nabînî
ke xot be êşî derzî enałî
sûjin be xełka bikey mindałî
be çake diłî ’ałem řa’egrî
boç xerap bî û xełk le destit bigrî
her îşê ekey dwayî biřwane
pyawî bê ẍaye her sergerdane
eger to hewłit tenha bo xot bê
le naw mîlletda ebê çon řût bê
ke legeł aweł bikewye kaye
herçî dest kewê beşî toy tyaye
ewsa řabwêre be diłnyayî
legeł awayî nek be tenyayî
le naw yarana satê řabwêrî
pûłê nayenê payey wezîrî
wezîrî êsta xewêkî keme
ke le xew hesta teme û mateme