ke dûberekî kewte naw xêłê
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
898 Dîtin
ke dûberekî kewte naw xêłê
xoşî xoşî ew xêłe cê yêłê
ke le gêreda gayêk man bigrê
gêreşêwêne ebê serbibřê
ke xwênêkî pîs kewtewe gupey
ebê be neşter ew xwêne derkey
ke pişîley řawker le mała nema
mişk ekewête tilîlî û sema
katê sitemkar ’eził bû, lê kewt
xoy ekutête heywanî mizgewt
ke zanî dîsan aşî egeřê
bo mize’aşî zortir egeřê
qeładzeman êsta qezaye
xełk ełên esma «mîne alsّema»ye
baweřî pyawe konekanmane
ełên: «qende» řûy le asmane
herkese le ser ayînê eřwa
yekê dił pake, yekê bê biřwa
huner û serwet dadî xwayîye
hîç kesê nełê be xořayîye
lew xwareyş ełên em çetûnîye
dûbeşî leber bê «tûtûnî»ye