eger pencerey to şuşebende
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
937 Dîtin
eger pencerey to şuşebende
berd bihawye xełk, karî to gende
ke şeřecnêw bikey le kołan
dayk û bawkî xot ekey be qełẍan
eger to êşî derzî biçêjî
be sûjin xwênî xełkî nařêjî
ewî jarî çeşt le zerdewałe
îtir hengiwînî ledemda tałe
heye be tefrey dû «ḧoqe» sawer
ḧecê enête pênawî baweř
me’mûrî gewre awe dekşî
wirdełekanman zîxe enîşî
masî ke zil bû eçê bo derya
ejdehayş be zor bo dozex birya
aw le cêyekda ke zor bimênê
řengî egořê û zerû hełdênê
zerû xwênî pîs le leş emjê
«kułeweybabe» ke pyaw ekujê
ax kułeweybab, dax kułeweybab
cergî ’alemit sûtand wek kebab
lem gêtîyeda dengî baş başe
ke le gořîşda yare û wêłdaşe