hendê çişt heye qedrî nazanî
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
579 Dîtin
hendê çişt heye qedrî nazanî
ke řoyî le dway ew peşîmanî
be pîrî xoşî cwanît dête bîr
cwanîş ke řoyî nayetewe gîr
ke nexoş kewtî ełêy ax û dax
hîç xoştir nîye le bedenî sax
pareyş le serfî xot etorênî
nayxoy xemyexoy ke eydořênî
ke be cilî cwan pyaw pesend ekey
le lay hunermend xot be pend ekey
firîşte huner nîye ke çake
le şwênêkdaye le bed bêbake
eger azaye ba bête nawman
ewîş wek «harût» exeyne zîndan
bîde be dujmin be serfirazî
bełam le dostit çiştê nexwazî
herçend şardinewey siř ser siř eka
siř neşardineweyş ser leber eka
be cezay گûناە ba tûnawtûn bî
nek şermezarî ’efûy dujmin bî
wek «dyojin» be, sêberit newê
le kûpey xota, řakşê şewê