nirxî şit serkewt zor giranîye
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
822 Dîtin
nirxî şit serkewt zor giranîye
her řoḧe bo şeř ke behay nîye
kuştarî beşer le wize derçû
sepan dirwêney wa bo nakirê zû
«manyatîrme»ye ke «hîtler» eyka
em hemû xełke xoy be kuşt eda
egîne mirdin hênde sûk nîye
şer teqey şayî ser řêy bûk nîye
êsta be milyon kuştar ejmêrin
wa derdekewê le jyan têrin
le layekewe fennî ełeman
buwe be sermayey ḧîretî cîhan
keçî her wek ker lêyan exuřê
be bombay dujmin cergyan ebřê
her dînî îslam řêy selamete
bo hemû beşer cêy hîdayete
xwa fermûyetî be cînsî beşer
«xotan mexene naw tehlukey şeř»
ayînî «nazî» û meslekî hîtler
emeye, keçî xo deken be ker
lem dûreyşewe řoḧ be perwazin
be deste çîlkey nawî enazin