peşoka dił ke dî zułfî peşêwî kewte ser şanî
Li pirtûka:
Dîwanî Eḧmed Muxtar Caf
Berhema:
Eḧmed Muxtar Caf (1896-1935)
1 Xulek
3003 Dîtin
peşoka dił ke dî zułfî peşêwî kewte ser şanî
yexey xoy dadřî guł her ke dî çakî girîbanî
şukur wa cejnî qurbane leser fermûdeyî dulber
wekû meř bo bełagerdanî ew emken be qurbanî
diłî sûtawe wek min xałî le’lî lêwî řengînî
bełê bextî řeşe wek min serî zułfî perêşanî
gełařêzanî kird guł her ke derkewt řûyî řengînî
leber bałay ewa kewtote sucde řûyî bustanî
eme çen wexte mest û serxoşim bê neş’eyî bade
le řojêko ke dîwme dîdeyî mexmûrî fettanî
řefîq hîç ẍem mexo, xoş řabwêre, firsete êste
bizane to le dinyada lebo çen řojê mîwanî
le zîndana heta řojî qyamet da’enîşt ’aciz
eger řûy toy edî bo yek deqîqe şoxî ken’anî
dił û dînit fiřandim, řoḧî şîrînîş ebey cana
le bextî eḧmedNasnava edebîa çen řoje zor mayl be tałanî