mangî řeşemê dûkeł dernaçê
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
1288 Dîtin
mangî řeşemê dûkeł dernaçê
xatû zemherîr pirç heł’epaçê
leqleq hatewe nîşte ser hêlke
meydan xałî bû bo peresêlke
kilkî dûfaqî nimûney zeyle
şarezûr emsał le řawker keyle
’eynemel derkewt, sałî kulleye
bełam bo ewdîw ezmiř pileye!!
bay behar deşnê! kolarey dewê
bizanîn be petî kê serdekewê
kolare sałê nêre û sałê mê
emsal birewî jinane kemê
be ho û be hîway darî pełkewe
wek fiřfiřokeyn bedes xełkewe
bełam le leşî çaleke deçîn
heta lêman den pêy qełew debîn
hênde ke biłêy kemtyar çake
qulepêy desmî hêşta deng naka
be ker nawêrîn be kurtan şêrîn
wek sûrewałeyn be xałman fêrîn