ay bo ew řojey tirs dê besera
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
899 Dîtin
ay bo ew řojey tirs dê besera
kune mişk laman ebê be sera
ke kewtînewe komełî yaran
ełêy ne baman dîwe ne baran
kwêxa cwamêrî hemewend deygut
hay cwamêr řom û ’ecem wa le dût!
serê ke şahan be temay nebin
bo ewe deşê hełkenrê le bin
ewsa ke cwamêr dengî dilêr bû
tîpî hemewend jinîşyan şêr bû
êsta min hesim dułdiłim pêye
axo napirsin leşkirit kêye
le hemûy xoştir xeyał bazîye
ḧukmî serî beng yeketazîye
xeyałbazîye çarey diłtengî
şerab be gerdiş, beng be bêdengî
bełam beng kêş bî meçore gwê aw
cogelet lela ebê be şetaw
her xom eyzanim şerab bikem noş
gwê zełim û masî û sewzî û heway xoş