hendê ke le piř berz ebnewe
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
1357 Dîtin
hendê ke le piř berz ebnewe
ke kewtine xwarê ebûrnewe
ke be tûnçêtî bûy be ḧemamçî
xot lê nagořê, le řê dernaçî
bełam ke le piř hatî bûy be kuř
nan xorê debî, sipłey sifrediř
eger pê be pêy hawřêkanit bêy
pêt nałên kabra! nazanin to kêy
her mûye le řîz řîze têpeřê
meqestî westay delak eybiřê
nexwazeła wa «zîl» kewtote naw
herçî berkewê, ełên kilk biřaw
bo kilkequłê deçne lay dapîr
emannêrête lay bizin bo şîr
şîrî dapîr xor, bê kilk emênê
seg be hêzî kilk êsqan eşkênê
pîremêrdê hat, pêy witim pîrê
her kes le barî xoy gwêz pejmêrê